Euskonews Gaztea

167 zbk.

Gaiak

Ahate urdaiazpikozko entsalada fruitu lehorrekin eta laranjazko ozpin-olioaz

GAMARRA OSTALARITZA ESKOLA

Plater interesgarri hau dastatze menuaren barruan aurkitu dugu eta prestatzen ikasiko dugu Gasteizko Gamarra Ostalaritza Eskolaren eskutik.

  Entsalada
Argazkia: stevendepolo

Osagaiak

(10 anoatarako)

Ahate papar bat
Azukre eta gatza proportzio berdinean (paparra estaltzeko behar beste)
2 limoien azalak
2 laranjen azalak
100 g mahats–pasa
100 g hur (txigortuak eta zatituak)
Ekilore hazi garrapiñatuak
     75 g azukre
     13 g ur
      200 g ekilore hazi zurituak
Gurin puska bat
Txikoria bat
Lollo rosso bat
Eskarola bat
Oliba olio birjin edalontzi bat
Ekilore olio edalontzi laurdena
Laranja zuku edalontzi erdia
Xerez edo sagardo ozpin edalontzi laurdena
Gatza
Azukrea

Elaborazioa

Ahate urdaiazpikoa: ahate–paparra nerbioz garbitu eta gantza parte bat kendu. Limoi eta laranja azalak julianan moztu eta gatz eta azukrez ondo nahastu. Bertan ahate–paparra sartu guztiz estalita gelditu arte. 48 ordutan hozkailuan gorde. Paparra atera, urez pixka bat garbitu eta ondo lehortzen da. Xerra finetan mozten da (bakarrik egunean erabiliko den kantitatea). Moztu gabekoa hozkailuan gordetzen da ekilore–oliotan murgilduta.

Fruitu lehorrak: ekilore–haziak garrapiñatzeko ura eta azukrea sutan jarri kolore berdintsua hartzen hasi arte. Ekilore haziak erantsi eta ondo nahastu karamelatzen joan dadin. Gurina bota eta sutatik atera. Silpat baten gainera bota eta eskuekin banatzen joan. Leku freskoan gorde.

Letxugak: Letxuga ezberdinak ondo garbitu (bakoitza bere aldetik) eta ondo xukatu. Paper xurgatzaileaz guztiz lehortu eta eskuekin zatitu. Gorde elkarren artean nahastu gabe.

Laranja ozpin–olioa: Laranja zukua eta ozpina turmixaren pitxarrean ipini, martxan jarri eta olioak poliki–poliki botatzen joan emultsionatzeko. Gatza eta azukrea gehitu. Behar izatekotan, zaporea zuzendu.

Tomatetxoak: 20 bat cherry tomate horizontalean erdibitzen dira. Handiak badira, 10 tomate laurden bertikalean.

Laranja atalak: 3 laranja zuritzen dira baina azalaren barrualdeko parte zuri guztia kendu dugula ziurtatuz. Gero, atalak atera eta elkartzen dituzten mintzetatik banatu.

Gainera: Tipulin xehatua eta tipulin adartxoak beharko ditugu.

Bukatu eta aurkeztu: anoa bakoitzeko 5 edo 6 urdaiazpiko xerra oso finak mozten dira. Letxugak puskatzen dira eta ontzi baten ipini laranja ozpin olioz apailatzeko. Apailatuak daudenean, fruitu lehor batzuk, lau tomatetxo erdi eta laranja atal batzuk gehitu. Dena kontuz nahastu. Plater baten urdaiazpiko xerrak haizemaile gisa jartzen dira eta bere oinarrian entsalada bouqueta. Inguruan ozpin–olio apur batekin apaintzen da. Laranja atalen bat eta fruitu lehor batzuk jartzen ditugu. Tipulin xehatuaz hautseztatu eta tipulin adartxoez apaindu.


Orain arteko errezetak:

:: Entsaladilla errusiarra eta Txitxarroa bilbotar erara
:: Txerrikume konfitatua berakatzen pureaz
:: Olagarro eta muskuilu entsalada patata eta ali–oli saltsarekin
:: Marrubi gazpatxoa bere sorbeteaz
:: Oilasko errea entsaladarekin
:: Otarrainskak tenpuran
:: Perretxiko eta ganbekin betetako kuiatxoak