Naturaren Ahotsa
Miter arrunta
Latinez: Juniperus sabina
Gaztelaniaz: Sabina rastrera
Ingelesez: Savin Juniper
Frantsesez: Le genévrier sabine
Identifikazioa eta ezaugarriak
Metrotik gora hazten ez den zuhaixka, jeneralean etzana eta adarrak
zoru gainean erorita dauzkana. Azala arre gorrixka, plakatan askatzen
dena. Adaxkak latzak ukitzean. Hostoak ezkata-formakoak, eta bizkarraldean
erretxin guruin batez hornituak; horregatik, igurztean usain bizi bat
zabaltzen dute.
1-1,3 mm adinera iritsitakoan, inbrikatuak eta ertza orbelkaratu gabea.
Kono arrak eta emeak oin desberdinetan jaiotzen dira; arrak, adaxken
puntetan oso ugari, kolore horikoak, biribilduak edo oboideak, 10-15
ezkatarekin, bakoitzak 3-4 polen-zaku edukiz. Kono emeetatik 4-6 mm-ko
galburuak eratzen dira, gaztetan berde argiak eta beltz urdinxka heldutasunean,
igurztean kentzen den argizari-geruzaz estaliak; 1-3 hazi edukitzen
dituzte.
Loraldia
Udazkenetik udaberrira loratzen da eta fruituak udazkenean edo hurrengo
urteko udaberrian heltzen dira.
Oharrak
Landare toxikoa izan arren, sendabelar gisa erabilia izan da bere ezaugarri
emenagogo eta abortiboengatik; baina, dosi txikietan ere heriotza ekar
dezake.
NATURAREN AHOTSA aldizkaritik hartuta.
Gehiago irakurtzeko sakatu hemen.