Naturaren Ahotsa
Ziza eraztun-horia
Latinez: Tricholoma cingulatum
Gaztelaniaz: Tricoloma anillado
Ingelesez: Girdled Knight
Frantsesez: Le Guichet du Savoir
Deskribapena
Txikia edo ertaina izan daiteke eta txapelak 6–7 cm–rainoko diametrokoa.
Hasieran ganbila da, gero ganbil lautua eta azkenik nola edo hala lautua;
ertza, berriz, makur samarra. Azala banagarria, lehorra eta distiratsua,
kolore gris zurbilekoa, ezkata txikiz eta erradialki kokaturiko zuntz
gris arreekin, denboraren poderioz ertz ingurua horitzeko joera dutenez,
estalia. Nahiko orri bakanak, muxarratuak, ezberdinak, tartekatutako
orriska ugari eta guzti, hasieran zurixkak, denborarekin horitzen badira
ere.
Hanka 6–8 x 0,5–1 cm–koa, zilindrikoa edo erraboilduna eta maiz kurbatu
samarra, ale erne berrietan betea, helduetan barrutik hutsa. Hanka–azala
lehorra eta distiratsua, goialdean, eraztun iletsu ongi zehaztugabearen
gainean, kolore zurixka, eta oinetik abiatu eta behealde guztia kolore
krema horixka, horitzeko joera badu ere. Espora eliptikoak edo ia zilindrikoak,
leunak, gardenak eta ez amiloideak.
Habitata
Uda–udazken aldean ateratzen da, maizenik sahatsen azpian leku heze
eta zingiratsuetan. Ez da espezie arrunta gure herrian.
Jasangarritasuna
Txapelean mami trinkoa, hankan zuntzezkoa, kolore zurikoa, airearen
eraginez horitzeko joera, irin usaina ebakitzean batez ere, eta zapore
gozo eta irin–kutsukoa.
NATURAREN AHOTSA aldizkaritik hartuta.
Gehiago irakurtzeko sakatu hemen.