Gaiak
Otxomaioak eta bestelako jaiak
Jon MENDIBIL, Endika ARRAZURIA, Iker ARANADBH 4.A mailako ikasleak
Otxomaioak
Hiriko eta bailarako zaindaria den Antiguako Ama Birjinaren omenez egiten diren jaiak dira Otxomaioak. Apirilaren 29an hasten dira, ekitaldi erlijiosoarekin eta egun handia maiatzaren 8a da; jaiak hurrengo asteburura arte luzatzen dira. Maiatzaren 8an ospatzen dira zezenketak, nekazaritza eta abeltzaintzako azoka, kirolak eta esku pilotako partida. Maitzaren 9an “Entradillas” dantzak egiten dira: Arrastariako auzotarrek hiriaren zaindariaren aurrean dantzatzen dute. Maiatzaren 15ean Bihotza erretzen da, jaien azken eguna da; festaren ikono bihurtu den txistularia da Bihotza. Azken egun honetan jendea askara botatzen da eta beste batzuk alargunez mozorrotzen dira. Urduñako jaietako gauza garrantzitsu bat Buruhandiak eta Erraldoiak dira.
 |
|
2007ko kintoak. |
Egun guztietan zehar giro aparta dago Urduñan. Goizetan txarangak eta musika taldeak Urduñatik ibiltzen dira, herria alaitzeko asmotan. Eguerdian herri bazkariak egiten dira eta gazteentzako jokoak. Eta gauetan jendea txosnetan egoten da enparantzako kontzertuak entzuten eta musikarekin dantzatzen.
Bestelako jaiak
Koroatze Eguna. Iraileko lehen asteburuan egiten da.
Santiago Jaiak. Uztailaren 25ean, Txarlazora igoera eta
erromeria herrikoia.
San Blas. Otsailaren 3an, kordoiak eta gozokiak bedeinkatzen
dira Antiguako Santutegian.
Santa Ageda. Otsailaren 5ean, kintoen aurkezpena, Santuaren
omenezko ohiko kantaldia. Ateratzen duten diruarekin kintoak Tolosara joaten
dira ihauteriak pasatzera.
San Isidro. Maiatzaren 15ean. Nekazarien jaieguna da eta,
prozesioa eta Santuaren omenezko meza egiten dira.
Olentzero Eguna. Abenduaren 24an gabon kanta herrikoiak
alde zaharrean zehar entzuten dira, ume guztiek Olentzerori abesten diote
eta Olentzerok opari bat ematen die.
Auzoetako jaiak
San Joan. Ekainaren 23ko gauean “su festa”, San Joan
kalean. Baserri batzuetan “su festa”ere egiten da.
San Inazio. Uztailaren 31an, El Terrero auzoan meza eta
erromeria egiten dira.
San Roman. Abuztuaren 9an, meza San Roman ermitan eta erromeria
Orruño kalean.
Andre Mariaren eguna. Abuztuaren 15ean ,meza Andre Mariaren
elizan.
San Roque. Abuztuaren 16an,meza Andre Mariaren ermitan,
eta erromeria Barria kalean.
Ruzabal juntako jaiak
San Pedro jaiak. Ekainaren 29an, Lendoño Goikoan.
San Esteban jaiak. Abuztuaren 3an, Lendoño Behekoan.
San Miguel jaiak. Iraileko azken asteburuan Mendeikan.
Arrosarioko Ama Birjinaren jaiak. Urriko lehen asteburua,
Belandian.
Aste santua
Urduñan sustrai sendoak dituen erakunde bati esker egiten da izugarrizko
Aste Santua: Kristoren eskolari esker .
Ostegun santuan prozesio politak eta ikusgarriak daude baina nabarmentzen
den prozesioa, Ostiral Santuko egunsentiko “Gurutzearen prozesioa” da.
Aste Santuak tradizio handia du Urduñan eta baita Aiarako bailaran ere.